مراجعة عن امتحان - eJPT

البداية

ما هي شهادة eJPT

السلام عليكم ورحمة الله وبركاتة

هي شهادة من شركة تسمي Elearn Security موجها بشكل مخصوص للمبتدئين في مجال Penetration testing
ومحتواها يشرح اساسيات عن النتورك والويب وبعض الاساسيات للغات زي C++ ,Python
وبعد كدا هياخدك يشرحلك شوية ادوات زي NMAP ,Burp وبعض الادوات الخاصة بالمجال في العموم
وبعد كدا هيديك نبذة عن الPenetration testing من الناحية القانونية وماهي ال vulnerability assessment وازاي بيتم التقيم بمعني اصح للثغرة
مش هندخل في تفاصيل اكثر من كدا علشان المحتوي قدامك علي موقع INE تشوفه

اولا كدا عايزين نعرف الامتحان سهل جدا جدا يعني انت لو ليك خبرة في المجال عموما وعارف ثغرات الويب وحليت كام ماشين علي HTB
الامتحان هيبقا سهل جدا ليك
يعني كلامي بحاول اقولك الامتحان اسهل مما تتوقغ
وعلشان تخلي بالك يعني اكثر الكورس عبارة عن Slides وبعض الفيديوهات القليلة جدا
والكورس عموما سهل بردو يعني مش هتتعب في فهمه اووي هو اصلا منهج بسيط جدا

الامتحان

بص ياصديقي الامتحان بيبقا عبارة عن بعض الاسئلة الي هو عددهم 20 سؤال
هتحلهم من خلال النتورك الي هيديهالك وبيبقا عبارة عن Black Box Penetration testing يعني الحوار سهل
ومن اول ما بتبدا الامتحان بيبقا قدامك ثلاث ايام للحل
ولازم تحل علي الاقل 15 سؤال يعني زي ماقولتك فوق لو انت لعبت شوية علي HTB , Tryhackme ,Root-me
الدنيا هتبقا سهلة معاك

المشاكل الي وجهتني

المشاكل الي وجهتني كانت بسبب الماشين الي انا بشتغل منها ودي مش لازم نذكرها لانها السبب مني يعني
مش هيبقالها لازمه هنا لو قولنا حلها لان بردو موضوع طويل
وانا في العموم حليت الامتحان في مايقار ساعتين ونص بسبب المشكلة دي وبسبب مشكلة تانية
وهي بسبب ان نقطة ال IP Route
مكنتش ركزت فيها حلو في الكورس وكنت شايلها من دماغي لانها معدتش علي في تحدي او سيناريو قبل كدا
فحاولت اراجع الحتة بتاعة ال IP Route من الكورس علي INE
ومع شوية بحث علي جوجل وصلت للفكرة وكملت والباقي كان سهل جدا بالنسبة لي
ولازم تحط في دماغك لو انت من مصر ان لازم يكون معاك VPN علشان زي ماعارفين ان OpenVPN ممنوع في مصر
فلازم تعمل Connect من في بي ان حلو مثلا زي VyperVPN ,AirVPN ,NordVPN الخ يعني انت وراحتك ودور اكثر وشوف في بي ان يعجبك واشتريه لان اكثر الامتحانات
بتبقا معتمدة علي اتصالك من الOpenVPN

اخبرا

احب اقولك ان الامتحان سهل ومتستعجلش نفسك خالص قدامك وقت تحل وزيادة وتراجع عن الاسئلة برحتك في 72 ساعة
وان بردو متخفش علشان انك مفيش معاك نسخة برب مدفوعة علشان النسخة المجانية مبقاش موجود فيها Crawling
لا عادي انت اصلا مش محتاج البرب انصحك تستخدم Zap Proxy
او زي ماانا كنت بعمل استخدم المتصفح وادوات Inspect وهتلاقي في tap عندك للنتورك استخدمها في تعديل الريكوستات او تنسخ الريكوست
يعني انا كل الي استخدمته كان الترمنال والمتصفح وبس و WireShark.
واخيرا احب اقولكم مع السلامة وبالتوفيق لو انت هتاخدها وباذن الله تعدي والدنيا تبقا تمام

ملخص

• الامتحان سهل
• سعر الامتحان 200 دولار من غير الكورس اه وتعرف بردو ان الكورسات بتيجي ب Pass علي موقع INE
• لازم يكون معاك VPN
• قدامك 3 ايام لحل الامتحان يعني متقلقش والامتحان مش ريبورت دا مجرد 20 سؤال